पहिरोका कारण अवरुद्ध भएको नारायणगढ–मुग्लिन सडक झन्डै डेढ घन्टापछि खुलाइएको छ ।
जलवीरेमा पहिरो जाँदा दुईतर्फी रूपमा अवरुद्ध सडकको पहिरो पञ्छाएपछि सञ्चालनमा आएको छ । पहिरोका कारण सडक अवरुद्ध भएसँगै यात्रुले सास्ती खेपेका थिए ।
बर्खाको समयमा यस सडक खण्डमा बढी मात्रामा पहिरो जाने भएकाले सचेत भएर आवश्यक काममा मात्र यात्रा गर्न सम्पूर्ण यात्रुलाई प्रहरीले विशेष अनुरोध समेत गरेको छ ।
