प्रधानमन्त्री एवम् नेपाली काङ्ग्रेसका सभापति शेरबहादुर देउवाले मुलुकको विकास कुन नेतृत्वले गर्न सक्छ भन्ने पुष्टि भइसकेको बताएका छन् । शुक्रबार भर्चुअल माध्यमबाट प्रदेश १ को पहिलो अधिवेशनको उद्घाटन गर्दै देउवाले यस्तो बताएका हुन् ।
मुलुकको विकास गर्ने जिम्मेवारी नेपाली काङ्ग्रेसको काँधमा आएको बताउँदै देउवाले भने, ‘मुलुकको विकास र समृद्धि कुन नेतृत्वले गर्न सक्छ भन्ने कुरा विभिन्न घटनाक्रमले पुष्टि गरिसकेको छ । मलाई विश्वास छ, आज हुने प्रदेश अधिवेशनमा तपाईँहरूले काङ्ग्रेसलाई थप सशक्त र बलियो बनाउने र जनताको मन जित्ने गरी रणनीति बनाउने विषयमा पनि छलफल गर्नुहुनेछ ।’
देउवाले आगामी महाधिवेशनबाट पार्टीलाई अझ बलियो बनाएर आगामी तीनै तहको निर्वाचनमा पार्टीलाई विजयी गराउनुपर्ने सबैको दायित्व भएको बताए । सो अवसरमा उनले प्रदेश १ अधिवेशनको पूर्ण सफलताको कामना गर्दै सहभागी सबैलाई बधाई तथा शुभकामना दिएका थिए ।
प्रतिक्रिया
सम्बन्धित खवर
