१३ फागुन । अमेरिकाको फुड एण्ड ड्रग एड्मिनिस्ट्रेसन एफडीए का विशेषज्ञहरुले जोन्सन एण्ड जोन्सनले विकास गरेको कोरोना भाइरस ९कोभिड–१९० विरुद्धको खोप सुरक्षित र प्रभावकारी देखिएको बताएका छन् । एफडीएले बुधबार प्रकाशित गरेको विवरणअनुसार विशेषज्ञहरुको समूहले यो खोपलाई अमेरिकामा आपतकालीन प्रयोगका लागि अनुमति दिन सिफारिस गरेको हो ।
जोन्सन एण्ड जोन्सन कम्पनीले आफूले विकास गरेको खोप लक्षण नदेखिइकन हुने संक्रमण नियन्त्रणको लागि पनि प्रभावकारी हुने बताएको छ । कम्पनीले आफ्नो खोप ८८ प्रतिशत प्रभावकारी देखिएको बताएको छ ।
यो खोप कोरोनाका नयाँ प्रकार भेरियन्ट नियन्त्रणका लागि भने ६६ प्रतिशत प्रभावकारी पाइएको थियो । मानव परीक्षणको क्रममा यो खोपको प्रभावकारिता फरक फरक मुलुकमा फरक फरक पाइएको थियो । यसअघि जोन्सन एण्ड जोन्सनले खोपको प्रभावकारिताबारे कुनै विवरण सार्वजनिक गरेको थिएन ।
