१३ फागुन । स्पेनिस ला लिगा अन्तर्गत गएराति सम्पन्न खेलमा बार्सिलोनाले एल्चेमाथि जित निकालेको छ। क्याम्पनाउमा सम्पन्न खेलमा घरेलु टोली बार्सिलोनाले एल्चेमाथि ३-० गोलअन्तरको सानदार जित निकालेको हो।
बार्सिलोनाको जितमा लियोनल मेस्सीले दुई गोल गर्दा जोर्डीअल्बाले एक गोल गरे। पहिलो हाफ गोलरहित बराबरीमा रोकिएको खेलमा बार्सिलोनालाई मेस्सीले अग्रता दिलाएका थिए। खेलको ४८ औं मिनेटमा मार्टिन ब्रेथवेटको पासमा गोल गरेका मेस्सीले दोस्रो गोल ६८ औं मिनेटमा दोस्रो गोल थपे। त्यस्तै ब्रेथवेटकै पासमा ७३ औं मिनेटमा अल्बाले गोल गर्दा बार्सिलोनाले ३-० को सहज जित निकाल्यो।
जितसँगै बार्सिलोना तालिकाको तेस्रो स्थानमा कायम छ। बार्सिलोनाले २४ खेलबाट ५० अंक जोडेको छ भने शीर्ष दुईमा रहेका एट्लेटिको मड्रिड र रियल मड्रिडले क्रमश २३ र २४ खेलबाट ५५ र ५२ अंक जोडेका छन्।