Nepali Unicode | Preeti to Unicode
 BREAKING
गोठाटार गोलीकाण्ड : लाल मोहम्मदको हत्यामा संलग्न ३ जना पक्राउ | सिट बाँडफाँडमा कार्यदल विभाजित, फेरि शीर्ष नेताकै जिम्मामा | एमालेमा १३५ सिटका उम्मेदवार टुंगिए | युक्रेनको १५ प्रतिशत भूभाग रुसमा गाभेर घोषणा गर्दै पुटिन | पार्टीभित्र ठूलो शुद्धिकरणको अभियान चलाउनुपर्ने :महामन्त्री गगनकुमार थापा | राजनीतिमा भ्रष्टाचार गर्ने प्रवृत्ति बढ्दो : नेपाल | हर्क साम्पाङले कार्यपालिका सदस्यलाई ‘बाहिर जान’ भनेपछि बैठक बहिष्कार | सत्ता स्वार्थले प्रेरित गठबन्धन हुनु देशका लागि दुर्भाग्य :पूर्वराजा ज्ञानेन्द्र शाह | बालेनले भने – चाडपर्वको नाममा फुटपाथमा व्यापार गरे कारवाही हुन्छ | शेखरका मागप्रति देउवा लचिलो, छलफल निर्णायक |

फागुन १२ । डा।गोविन्द केसीले फागुन १२ गतेदेखि सुरु गर्ने भनिएको सत्याग्रह तत्कालका लागि स्थगित गर्ने भएका छन् । स्वास्थ्य र शिक्षा क्षेत्रमा सुधारको माग गर्दै विगत केही वर्षदेखि अनसन बस्दै आएका डा।केसीले आज एक विज्ञप्ति जारी गर्दै सत्याग्रह स्थगित भएको जानकारी दिएका हुन् । जारी विज्ञप्तिमा भनिएको छः ‘तत्कालका लागि संविधानमाथि प्रधानमन्त्री केपी ओलीको प्रहार सर्वोच्च अदालतले निस्तेज बनाइदिएकाले हामीले आज फागुन १२ देखि शुरु गर्ने भनेको सत्याग्रह स्थगित गरेका छौं ।’
डा।केसीले आफुहरुसित विगतमा भएका सम्झौताहरु कार्यान्वयन नभएसम्म हाम्रो सत्याग्रही अभियान जारी रहने र नयाँ सरकारलाई जवाफदेही बनाउने आफुहरुको अभियान निरन्तर रहने समेत स्पष्ट पारेका छन् । उनले सर्वोच्च अदालतले प्रतिनिधि सभा विघटनको विषयमा गरेको ऐतिहासिक फैसलापछि देशको प्रतिगमनतिर धकेल्ने प्रधानमन्त्री केपी ओलीको प्रयास तत्कालका लागि असफल भएको बताउँदै देशको सर्वोच्च न्यायालयबाट सबै नागरिकको अपेक्षा यही रहेका बताएका छन् । उनले ओली सरकारले गरेका संवैधानिक निकायका नियुक्तिहरु तत्काल सच्याउन समेत माग गरेका छन् । उनले भनेका छन्ः ‘खास गरी राज्य कब्जाको नग्न प्रयास स्वरुप प्रधानमन्त्री ओलीले जसरी संवैधानिक निकायहरुमा गलत रुपमा नियुक्तिहरु गरेका थिए ती तत्काल सच्चिनुपर्छ ।’
प्रतिनिधिसभा पुनःस्थापना हुँदैमा नेपालको लोकतन्त्रमाथि आइलागेका सबै संकटहरुबाट पार नपाउने बताउँदै उनले अब जुनसुकै प्रधानमन्त्रीको नेतृत्वमा नयाँ सरकार बने पनि कार्यशैली र राज्य सञ्चालनको प्राथमिकता ओली सरकारको जस्तै रहने हो भने त्यसले अवस्थामा खासै परिवर्तन नल्याउने उनले दाबी गरेका छन् । उनले भनेका छन्ः ‘ पछिल्ला तीन वर्षमा सरकारते अभिव्यक्ति स्वतन्त्रता खुम्व्याउन र भ्रष्टाचारलाई संस्थागत गर्न जति पनि कुकर्म गरेको छ, त्यसलाई नउल्टयाएसम्म देश र समाज सही अर्थमा अगाडि बढ्न सक्दैन ।’

प्रतिक्रिया

सम्बन्धित खवर

ताजा समाचार

लोकप्रिय