Nepali Unicode | Preeti to Unicode
 BREAKING
काठमाडौँको बौद्धबाट २० जुवाडे पक्राउ | रास्वपा सभापति लामिछानेलाई म्याद थपका लागि आज अदालत पेश गरिँदे | गौशालाकाे धर्मशाला खाली गर्ने कार्य रोक्न पर्यटन मन्त्रालयको निर्देशन | २१ लाख अपचलन गरेर ५ लाखमा रिहा, सहकारी पीडितले पाउलान् त न्याय ? | यी हुन् बिहिबार बसेको मन्त्रिपरिषद् बैठकका निर्णय | तीजपछि मात्रै कोसी प्रदेश सरकार विस्तार हुन्छ : मुख्यमन्त्री कार्की | ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गरिनेछ : प्रधानमन्त्री | ओलीप्रति थप आक्रामक बालेन, भने : कार्यकर्तालाई सामान्य ज्ञान दिएर राजनीतिमा लगाउनू | विराटनगरको पोखरीया माविकी छात्राले २ तला माथिबाट हाम्फाल्दा अवस्था गम्भीर | बुटवल-नारायणगढ सडकको काम समयमै पूरा नभए ठेक्का तोड्छौं : मन्त्री दाहाल |

४ फागुन ।काठमाडौं उपत्यकामा मेट्रो रेल निर्माणका लागि सहकार्य गर्न रसियाले इच्छा देखाएको छ।

भौतिक पूर्वाधार तथा यातायात मन्त्री वसन्तकुमार नेम्बाङ र नेपालका लागि रसियाका राजदूत एलेक्सी नोभिकोभबीच भएको शिष्टाचार भेटमा रसियाले मेट्रो रेल निर्माणमा चासो देखाएको हो। छलफलमा नेपालको रेलवे विस्तारमा रसिया लगानी र निर्माणको काम गर्न इच्छुक रहेको नोभिकोभले बताएको मन्त्रालयले जनाएको छ।
यसका लागि रसियन रेलवेका तर्फबाट मन्त्रालयमा आशयपत्रसमेत बुझाइएको छ। भेटमा मन्त्री नेम्बाङले सोभियत युनियन विघटनपछि पछिल्लो समयमा दुई देश बीचमा समन्वयन भइ कुनै काम नभए पनि सम्बन्ध सुमधुर रहेको बताए।
काठमाडौको ट्राफिक व्यवस्थापन र यातायात सहज बनाउन मेट्रो रेलको आवश्यकता रहेको तर प्रविधि र दक्ष जनशक्तिका साथै लगानीको समेत अभाव रहेको उनले उल्लेख गरे।
हाल मेट्रो रेलको रेखांकन, पूर्व सम्भाव्यता अध्ययन र केही खण्डको विस्तृत परियोजना रिर्पोट ९डीपीआर० समेत तयारी भइसकेको छ। उक्त दस्तावेज रसियन पक्षलाई उपलब्ध गराउन तयार रहेको जानकारी मन्त्री नेम्बाङले सोमबार भएको भेटमा दिएका थिए। रसियन पक्षबाट विस्तृत प्राविधिक र आर्थिक प्रतिवेदन प्राप्त भएपछि थप छलफल गरेर अघि बढ्ने उनको भनाइ छ।
विश्वको विभिन्न मुलुकमा रेल सम्बन्धी रसियन टेक्नोलोजी उत्कृष्ट रहेको उल्लेख गर्दै नेपालको लागि समेत कोसेढुंगा हुने रसियन प्रतिनिधि मण्डलले उल्लेख गरेका छन्। पहाडी इलाकामा रसियन रेलवे टेक्नोलोजी जापानले अपनाएको उल्लेख गर्दै प्रतिनीधि मण्डलले नेपाललाई समेत प्रविधि हस्तान्तरण गर्न तयार रहेको बताएका छन्।
भेटमा द्धिपक्षीय हित तथा पारस्पिरिक सम्बन्धका बारेमा समेत छलफल भएको थियो।
रसियाली सहयोगमा निर्माण भएका विगतका परियोजनाहरु कान्ति अस्पताल, पनौती हाइड्रोइलेट्रिक स्टेशन, पूर्वपश्चिम राजमार्गको पथलैया–ढल्केबर खण्ड, जनकपुर चुरोट कारखाना, कृषि औजार कारखाना, वीरगंज सुगर मिल र रोजिन एण्ड टर्पेन्टाइन प्लान्टबारे समेत छलफल भएको मन्त्रालयले जनाएको छ।
यस अघि पनि राजदूतसहितको टोलीले नेम्बाङलाई भेटेको थियो। नेपालमा रेलमार्गका विविध विषयहरु छलफल भएको थियो। पूर्वपश्चिम विद्युतीय रेलमार्गको विषयमा पनि रसियाली पक्षले जिज्ञासा राखेको थियो।

प्रतिक्रिया

सम्बन्धित खवर

ताजा समाचार

लोकप्रिय