Nepali Unicode | Preeti to Unicode

माघ २५। चितवन, बर्दिया, दोलखा र दार्चुलामा चारजना मृत अवस्थामा फेला परेका छन् । चितवनको भरतपुर महानगरपालिका १६, शिवघाटस्थित नारायणी नदीको किनारमा परिचय नखुलेका करिब ३५ वर्षीय पुरुषको शव फेला परेको छ ।
बर्दियाको राजापुर नगरपालिका १०, लालपुरघाटस्थित नदीको किनारमा सोही ठाउँ बस्ने ७५ वर्षीय लक्ष्मण थारु मृत अवस्थामा फेला परेका छन् ।
दोलखाको कालिन्चोक गाउँपालिका ७, चरिकोट सिंगटीस्थित झमर्सी भिरमा सर्लाही मलगंवा नगरपालिका ३ घर भई हाल नेपाल बैंकको शाखा कार्यालय सिंगटी दोलखामा कार्यरत २९ वर्षीय अजितकुमार झा मृत अवस्थामा फेला परेका छन् ।
दार्चुलाको मालिकार्जुन गाउँपालिका ७, पन्तपाली बस्ने ३६ वर्षीया पार्वती बोहरा सोही गाउँपालिका ६, सलेतीस्थित महाकाली नदीको किनारमा मृत अवस्थामा फेला परेकी छिन् । गत माघ १२ गतेदेखि हराएकी उनको खोजी गर्ने क्रममा शनिबार शव फेला परेको प्रहरीले जनाएको छ ।

 

प्रतिक्रिया

सम्बन्धित खवर

ताजा समाचार

लोकप्रिय