Nepali Unicode | Preeti to Unicode
 BREAKING
गोठाटार गोलीकाण्ड : लाल मोहम्मदको हत्यामा संलग्न ३ जना पक्राउ | सिट बाँडफाँडमा कार्यदल विभाजित, फेरि शीर्ष नेताकै जिम्मामा | एमालेमा १३५ सिटका उम्मेदवार टुंगिए | युक्रेनको १५ प्रतिशत भूभाग रुसमा गाभेर घोषणा गर्दै पुटिन | पार्टीभित्र ठूलो शुद्धिकरणको अभियान चलाउनुपर्ने :महामन्त्री गगनकुमार थापा | राजनीतिमा भ्रष्टाचार गर्ने प्रवृत्ति बढ्दो : नेपाल | हर्क साम्पाङले कार्यपालिका सदस्यलाई ‘बाहिर जान’ भनेपछि बैठक बहिष्कार | सत्ता स्वार्थले प्रेरित गठबन्धन हुनु देशका लागि दुर्भाग्य :पूर्वराजा ज्ञानेन्द्र शाह | बालेनले भने – चाडपर्वको नाममा फुटपाथमा व्यापार गरे कारवाही हुन्छ | शेखरका मागप्रति देउवा लचिलो, छलफल निर्णायक |

माघ २१ । आइतबारदेखि सुरु हुने विशेष नयाँ भिसामार्फत हङकङका तीन लाख बासिन्दाहरु बेलायत जाने अपेक्षा गरिएको छ । हङकङका ब्रिटिस नेसनल बीएनओ पासपोर्ट हुनेहरु र तिनका परिवारसमेतले स्मार्टफोनको एउटा एपमार्फत बेलायतको भिसाका लागि आवेदन दिन पाउनेछन् । यसले उनीहरुलाई स्थायी रूपमा बेलायती नागरिकता पाउने बाटो खुलाएको छ ।
बेलायती प्रधानमन्त्री बोरिस जोन्सनले बेलायतको पूर्वऔपनिवेशसँगको इतिहास र मित्रताप्रति कृतज्ञता जनाएका हुन् । सन् २०२० जुलाइमा चीनले हङकङमाथि नयाँ किसिमको सुरक्षा कानुन लागु गर्ने बताएपछि नै यस विशेष भिसाबारे घोषणा गरिएको थियो । बेइजिङले भने आफ्नो आन्तरिक मामिलामा हस्तक्षेप नगर्न भनेर बेलायतलाई चेतावनी दिएको छ ।
यस भिसाका लागि आवदेन दिनेहरुको पाँच वर्षसम्मका लागि बेलायतमा बस्न पाउने अनुमति सुनिश्चित हुन्छ । त्यसपछिको १२ महिनामा बेलायतको आधिकारिक नागरिकता पाउन सक्नेछन् । हङकङमा २९ लाख मानिसहरु नयाँ भिसाका लागि योग्य छन् । तर, अहिलेका लागि सरकारले तीन लाखले यो अफर लिने अपेक्षा गरेको छ ।
प्रधानमन्त्री जोन्सनले भनेका छन्, “मलाई अहिले अत्यन्तै गर्व महसुस भइरहेको छ कि हामीले ब्रिटिस पासपोर्ट होल्डर हङकङवासीहरुलाई बस्न, काम गर्न अनि हाम्रो देशलाई आफ्नो घर बनाउन ल्याउँदैछौँ ।” पाँच वर्षसम्म बस्नका लागि भिसाको शुल्क प्रतिव्यक्ति केबल २५० पाउन्ड रहेको छ ।

प्रतिक्रिया

सम्बन्धित खवर

ताजा समाचार

लोकप्रिय