Nepali Unicode | Preeti to Unicode
 BREAKING
काठमाडौँको बौद्धबाट २० जुवाडे पक्राउ | रास्वपा सभापति लामिछानेलाई म्याद थपका लागि आज अदालत पेश गरिँदे | गौशालाकाे धर्मशाला खाली गर्ने कार्य रोक्न पर्यटन मन्त्रालयको निर्देशन | २१ लाख अपचलन गरेर ५ लाखमा रिहा, सहकारी पीडितले पाउलान् त न्याय ? | यी हुन् बिहिबार बसेको मन्त्रिपरिषद् बैठकका निर्णय | तीजपछि मात्रै कोसी प्रदेश सरकार विस्तार हुन्छ : मुख्यमन्त्री कार्की | ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गरिनेछ : प्रधानमन्त्री | ओलीप्रति थप आक्रामक बालेन, भने : कार्यकर्तालाई सामान्य ज्ञान दिएर राजनीतिमा लगाउनू | विराटनगरको पोखरीया माविकी छात्राले २ तला माथिबाट हाम्फाल्दा अवस्था गम्भीर | बुटवल-नारायणगढ सडकको काम समयमै पूरा नभए ठेक्का तोड्छौं : मन्त्री दाहाल |

पौष २३ । बेलायतमा एकैदिन एक हजार ४१ जना कोरोनाका बिरामीको मृत्यु भएको छ । जुन अप्रिलपछिको सबैभन्दा ठूलो दैनिक मृत्यु रेकर्ड रहेको बताइएको छ । ठूलो स्तरमा कोरोना परीक्षण सञ्चालन गरिएदेखि एकदिनमै ६२ हजार बढी नयाँ संक्रमण फेला परेको पनि यो पहिलोपटक भएको बताइएको छ ।
यसबारेमा स्वास्थ्यसचिव म्याट हेनककले बढ्दो नयाँ संक्रमण दरका कारण डाक्टरहरु उपचार विधिमा सम्झौता गर्न बाध्य हुनुपर्ने अवस्था आएको बताएका छन् । यसमा विशेषगरी अस्पताल भर्ना हुने बिरामीको सङ्ख्या गत अप्रिलमा कोरोना उच्च विन्दुमा हुँदाको तुलनामा अहिले ३९ प्रतिशतले वृद्धि भएको पनि उनले बताए ।
त्यसैगरी, कोरोना पोजेटिभ भएको २८ दिनभित्रमा मृत्यु हुने बिरामीको सङ्ख्या पनि पहिलेभन्दा बढी रहेको बताइएको छ । यसमा विज्ञहरुले अहिलेको बढ्दो दैनिक मृत्युदर र अस्पताल भर्ना हुने बिरामीको सङ्ख्या चिन्ताजनक भएको बताइरहेका छन् ।
प्रोफेसर हेवार्डका अनुसार सरकारले लकडाउनका नियमहरु अपनाएसँगै मृत्युको सङ्ख्या विस्तारै कम हुँदै जानसक्छ । तर, पूर्ण नियन्त्रणमा ल्याउन अझै केही समय लाग्नेछ । उनले यसमा सरकारले उपयुक्त कदम उठाउनमा ढिलाइ गरे, परिणामस्वरुप डाक्टरहरु, ‘कसको उपचार गर्ने अनि कसलाई छाड्ने’ भन्ने छनोट गर्न बाध्य हुने अवस्थामा पुग्नेछन् । वेस्ट मिडल्यान्ड्स एम्बुलेन्स सर्भिसका अनुसार सोमबार कम्पनीको इतिहासकै सबैभन्दा व्यस्त दिन थियो । जसमा उनीहरुले पाँच हजार बढी ‘इमरजेन्सी कल’ प्राप्त गरेका हुन् ।
यति बेला बेलायतभर भाइरससम्बन्धी अत्यन्तै कडा नियम लागु गरिएको छ । जसमा वेल्स, नर्दन आयरल्यान्ड र स्कटल्यान्डका समेत अधिकांश भूभागमा लकडाउन जारी छ । उता, खोपसम्बन्धी काम गरिरहेका मन्त्री नादिम जहवीले सरकारको लक्ष्य पूरा गर्न सकिनेमा विश्वास जनाएका हुन् र खोप कार्यक्रममा सामुदायिक फार्मेसीलाई पनि सहभागी गराइएको हुँदा धेरै मद्दत मिल्ने बताएका छन् ।
सोमबार प्रधानमन्त्री बोरिस जोन्सनले जानकारी दिएअनुसार बेलायतभर १३ लाख मानिसलाई कोरोनाविरुद्धको खोप लगाइसकिएको छ ।

प्रतिक्रिया

सम्बन्धित खवर

ताजा समाचार

लोकप्रिय