पौष १६ । राष्ट्रियसभाका सदस्यहरुको कोभिड(१९ परीक्षणका लागि स्वाब संकलन गरिएको छ ।
राष्ट्रियसभाको हिउँदे अधिवेशन शुक्रबार भोलि बाट सुरु हुने भएपछि आज ९बिहीबार० पीसीआर परीक्षणका लागि स्वाब संकलन गरिएको हो । अधिवेशनको पहिले बैठकको अघिल्लो दिन सबै सदस्यहरुको निःशुल्क पीसीआर परीक्षणका लागि स्वाब संकलन गरिएको संसद् सचिवालयले बताएको छ ।
राष्ट्रियसभाका अध्यक्ष गणेशप्रसाद तिमिल्सिनासहित सबै सदस्यको पीसीआर परीक्षणका लागि स्वाब संकलन गरिएको हो । पीसीआरको रिपोर्ट शुक्रबार बिहानसम्म आउने र नेगेटिभ भएका सांसदहरु मात्रै अधिवेशनमा सहभागी हुन पाउनेछन् ।
सरकारले पुस ५ गते प्रतिनिधिसभा विघटन गरेकाले यसपटकको हिउँदे अधिवेशनमा राष्ट्रियसभाको बैठक मात्रै सञ्चालन हुनेछ ।
